Fjölá­falla- og tengslavandi barna

Stuðningsfulltrúar í grunnskólum eru í mikilli nánd við nemendur og mikilvægt fyrir þá að vita hvaða áhrif fjöláfalla- og tengslavandi getur haft á börn. Hvað er mikilvægt að vita og hvernig getum við verið til staðar?

Markmið fræðslunnar er að stuðningsfulltrúinn eigi auðveldara með að „skyggnast á bak við‟ hér og nú hegðun.

Í fræðslunni er farið yfir mikilvægi frumbernskunnar og mismunandi forsendur barna á grunnskólaaldri sem glíma við vanda tengdan fjöláföllum og tengslum, mögulega birtingarmynd þess og viðeigandi nálgun.Fjallað er um efnið út frá tengsla- og þrautseigjulíkaninu „ARC“ (tengsl, sjálfsstjórn, færniþættir) sem og fjölda fræða sem snúa að þeim flóknu áhrifum sem fjöláfalla- og tengslavandi getur haft á börn og allt nærumhverfi þeirra.

Námskeiðið er fyrir stuðningsfulltrúa sem starfa í leik- og grunnskólum.