Claude í kennslu

Athugið að þetta námskeið er aðeins ætlað þeim sem eru með virka áskrift að Claude.

Gervigreind er hvorki heimsendir né töfralausn - heldur verkfæri.

Á þessu námskeiði vinnur þú með eigið námsefni frá fyrstu mínútu og ferð heim með tilbúin verkfæri og verkefni sem nýtast í þinni kennslu. Námskeiðið byggir á reynslu okkar af innleiðingu gervigreindar í skólastarfi: við vitum hvað virkar og hvað ekki.

Á námskeiðinu læra kennarar að nýta gervigreindarverkfærið Claude á markvissan hátt í daglegu starfi. Farið er yfir grunnatriði, svo sem uppsetningu, stillingar og hvernig best er að orða fyrirmæli (e. prompts) þannig að útkoman nýtist í raun og veru í kennslustofunni. Þátttakendur læra að búa til námsefni sem er aðlagað að mismunandi getustigum, búa til gagnvirk verkefni án nokkurrar forritunarkunnáttu, hanna matskvarða og nýta gervigreind við námsmat og endurgjöf.Kennarar námskeiðsins hafa reynslu af notkun tækni í kennslu og voru meðal annars verkefnastjórar í tilraunaverkefni á vegum Mennta- og barnamálaráðuneytisins, Menntamálastofnunar og Kennarasambands Íslands. Kennslan er verkleg og hagnýt; þátttakendur vinna jafnóðum með eigið námsefni og fara heim með tilbúin verkfæri og verkefni til notkunar í kennslu.

Námskeiðið fer fram bæði í staðkennslu og fjarkennslu og skipulagið er eftirfarandi:

Mánudaginn 19.10. staðkennsla á Dunhaga 7

Fimmtudaginn 22.10. staðkennsla á Dunhaga 7

Mánudaginn 26.10. fjarkennsla á ZOOM

Fimmtudaginn 29.10. fjarkennsla á ZOOM

Námskeiðið er einkum ætlað framhaldsskólakennurum og kennurum á unglingastigi grunnskóla, en allir kennarar og aðrir sem koma að námi og kennslu eru velkomnir. Engin fyrri reynsla af gervigreind er nauðsynleg, aðeins áhugi á að prófa nýjar leiðir í kennslu. Námskeiðið hentar jafnt byrjendum sem þeim sem hafa þegar prófað sig áfram og vilja dýpka þekkingu sína og kunnáttu.