Hag­nýt­ur húmor - traust, tengsl og áhrif í starfi

Húmor getur verið öflugt verkfæri í samskiptum. Hann getur hjálpað til við að vekja áhuga, skapa tengsl og létta stemningu þegar vel tekst til. Á þessu hagnýta námskeiði skoðum við hvernig hægt er að nýta húmor á markvissan og faglegan hátt bæði í starfi og samskiptum.

Þátttakendur læra hvernig húmor getur stutt við samskipti, vakið áhuga, dregið úr spennu og hjálpað til við að skapa jákvætt andrúmsloft í starfi. Með stuttum æfingum og virkri þátttöku fá þátttakendur tækifæri til þess að prófa mismunandi leiðir til þess að nota húmor á fundum, í kynningum, kennslu eða daglegum samskiptum. Einnig er skoðað hvenær húmor getur verið gagnlegur og hvenær er rétt að fara aðrar leiðir.

Markmiðið er að þátttakendur öðlist aukinn skilning á hlutverki húmors í samskiptum og fái aukið öruggi í að beita honum á þann hátt sem hentar þeim sjálfum og þeirra starfi.

Námskeiðið hentar öllum sem vinna með fólki og vilja efla samskipti sín, svo sem stjórnendum, kennurum og leiðbeinendum, fyrirlesurum, þjálfurum, sölu- og þjónustufólki og heilbrigðisstarfsfólki, svo dæmi séu tekin.