Áfall - hvað svo? Heilsu­far, líðan og leið­ir til bata

Fæstir komast í gegnum lífið án áfalla og sumir lenda jafnvel í áföllum snemma á lífsleiðinni sem fylgja þeim út lífið. Stundum áttar fólk sig ekki á því strax að það hafi orðið fyrir áfalli, þó svo að það hafi upplifað erfiðar tilfinningar. Afleiðingar geta komið fram stuttu eftir áfallið eða mörgum árum eða áratugum seinna því líkaminn man og geymir reynsluna í taugakerfinu.

Afleiðingar af áföllum geta komið fram sem líkamleg, sálræn eða félagsleg vandamál eða erfiðleikar. Einkenni og afleiðingar geta verið allt frá ógleði til örorku.

Mikilvægt er að finna leiðir til úrvinnslu og vinna með reynsluna og minningarnar til að auka lífsgæði. Leiðir geta verið innan hefðbundna heilbrigðiskerfisins en einnig utan þess, sem óhefðbundnar leiðir. Mikilvægt er að bera virðingu fyrir þeim ólíku leiðum sem einstaklingar velja og nálgast hvern og einn með einstaklingsmiðaðri nálgun með samþættum (e. integrative) meðferðum. Áfallamiðuð nálgun er mikilvæg þegar unnið er með einstaklinginn og samfélagið.

Námskeiðið er fyrir öll þau sem hafa áhuga en ekki er krafist menntunar eða reynslu af vinnu með áföll.