Hindí fyrir byrj­end­ur I

Í samstarfi við Mála- og menningardeild við Hugvísindasvið HÍ

Þetta námskeið er fyrir alla sem vilja ná tökum á helstu undirstöðuatriðum hindí. Engrar forkunnáttu er krafist þar sem námskeiðið er fyrir byrjendur.

Námskeiðið er kennt í 6 vikna lotu á seinni hluta haustmisseris, tvisvar í viku, 80 mínútur í senn kl. 16:40 – 18:10.

Í námskeiðinu kynnast nemendur Devangari ritmáli og framburði á hindí og markmiðið er að læra einföld samskipti á hindí. Námskeiðið er tjáskiptamiðað og stuðst verður við fjölbreytt námsefni m.a. hljóð-og myndefni.

Viðfangsefni námskeiðsins:

• Hindístafrófin
• Sérhljóð og samhljóð
• Ósjálfstæð sérhljóð
• Tveggja, þriggja og fjögurra stafa orð
• Kyn og tala orða

Hæfniviðmið:

Í lok námskeiðsins geta nemendur:

• þekkt hindístafrófin, skilið og borið fram hljóð í hindí bæði sér- og samhljóða.
• þekkt, lesið og skilið tveggja, þriggja og fjögurra stafa orð.
• lesið og skilið setningar sem samanstanda af tveggja, þriggja eða fjögurra stafa orðum.
• greint bæði kyn og tölu orða.

Námskeiðið er kennt á ensku.

Sjá kennsluskrá hér.