Franska fyrir byrj­end­ur II

Í samstarfi við Mála- og menningardeild við Hugvísindasvið HÍ.

Þetta námskeið er fyrir alla þá sem vilja ná tökum á helstu undirstöðuatriðum í frönsku máli á skömmum tíma og hafa lokið námskeiðinu FRA017G Franska fyrir byrjendur I eða hafa sambærilega forkunnáttu (í samráði við kennara). Lögð er jöfn áhersla á lestur, hlustun, ritun og talfærni. Farið verður yfir grunnhugtök í franskri málfræði. Athugið að námskeiðið gildir ekki til eininga í BA-námi í frönsku.

Námskeiðið er kennt í 6 vikna lotu á seinni hluta haustmisseris, tvisvar í viku, 80 mínútur í senn kl. 16:40 – 18:10.

Hæfniviðmið:

Í lok námskeiðs hafa nemendur:

• Náð tökum á einföldum orðaforða daglegs lífs og geti tjáð sig um sjálfa sig, fjölskyldu sína, sitt nánasta umhverfi eins og t.d. híbýli.
• Öðlast skilning á grunnatriðum franskrar málfræði.
• Þekkja og geta borið fram helstu málhljóð í frönsku máli.

Nemendur geta:

• Lesið einfalda texta á frönsku.
• Skilið einfalt hlustunarefni á frönsku.
• Ritað einfaldan texta á frönsku svo sem lýsingar á hýbýlum og persónum.

Námskeiðið er kennt í samstarfi við Endurmenntun HÍ en nemendur HÍ greiða ekki gjald fyrir þátttöku og er þeim bent á að skrá sig í gegnum Uglu.

Sjá kennsluskrá hér.