Þýska fyrir byrj­end­ur II

Í samstarfi við Mála- og menningardeild við Hugvísindasvið HÍ.

Þetta námskeið er fyrir alla þá sem vilja ná tökum á helstu undirstöðuatriðum í þýsku máli á skömmum tíma og hafa lokið námskeiðinu Þýska fyrir byrjendur I eða hafa sambærilega forkunnáttu (í samráði við kennara). Lögð er jöfn áhersla á lestur, hlustun, ritun og talfærni. Farið verður yfir grunnhugtök í þýskri málfræði. Athugið að námskeiðið gildir ekki til eininga í BA-námi í þýsku.

Námskeiðið er kennt í 6 vikur, tvisvar í viku, 80 mínútur í senn, á þriðjudögum og fimmtudögum kl. 16:40 – 18:10 í Veröld – Húsi Vigdísar.

Hæfniviðmið:

Í lok námskeiðs hafa nemendur:

• náð tökum á einföldum orðaforða daglegs lífs og geti tjáð sig um sjálfa sig, fjölskyldu sína, sitt nánasta umhverfi eins og t.d. hýbýli.
• öðlast skilning á grunnatriðum þýskrar málfræði.
• þekkja og geta borið fram helstu málhljóð í þýsku máli.

Nemendur geta:

• lesið einfalda texta á þýsku.
• skilið einfalt hlustunarefni á þýsku.
• ritað einfaldan texta á þýsku svo sem lýsingar á hýbýlum og persónum.

Nemendur munu einnig öðlast innsýn í menningu og þjóðfélög þýskumælandi landa.

Námskeiðið er kennt á ensku og þýsku.

Námskeiðið er kennt í samstarfi við Endurmenntun HÍ en nemendur HÍ greiða ekki gjald fyrir þátttöku og er þeim bent á að skrá sig í gegnum Uglu.

Sjá kennsluskrá hér.

Þátttakendum er bent á að hægt er að kaupa vinnubækur námskeiðsins hjá Bóksölu stúdenta, Momente A1 Kursbuch og Momente A1 Arbeitsbuch.