Ætt­fræði­grúsk - fjöl­skyldu­saga þín á net­inu

Lærðu að nýta þér gagnagrunna og skjalasöfn á netinu til að afla upplýsinga um sögu fjölskyldu þinnar allt að 200 ár aftur í tímann. Berðu upplýsingarnar saman við lýsingar sagnfræðinga og annarra á lífskjörum og möguleikum almennings til að takast á við fátækt, barnadauða, vistarbönd, farsóttir og harðindi. Þínu fólki tókst það – annars værir þú ekki hér.

Á námskeiðinu er fjallað um hvernig tölvan er notuð við gagnaleitina og gefin eru hagnýt ráð til að bregðast við villum og veikleikum í gagnasöfnunum.

Sérfróður gestur á sviði ættfræði kemur í heimsókn á námskeiðið.

Námskeiðið er ætlað öllum sem vilja fræðast um sögu forfeðra sinna með eigin grúski.