Að efla seiglu ung­menna: Verk­færi fyrir fag­fólk

Viltu styrkjast í starfi og öðlast verkfæri til að styðja við ungmenni í helstu áskorunum daglegs lífs? Ungmenni þurfa að takast á við fjölmargar áskoranir sem hafa áhrif á líðan og sjálfsmynd. Því er mikilvægt að styðja við ungt fólk með gagnreyndum aðferðum sem efla seiglu þeirra og sjálfstraust. Á þessu námskeiði verða kynnt verkfæri jákvæðrar sálfræði, HAM (hugræn atferlismeðferð), DAM (díalektísk atferlismeðferð), núvitundar og samkenndar. Með þessum aðferðum er hægt að hjálpa ungmennum að takast á við streitu, mótlæti og kröfur nútímasamfélags.

Námskeiðið er ætlað fagfólki sem starfar með ungmennum eins og t.d. kennurum á unglinga- og framhaldsskólastigi, skólahjúkrunarfræðingum, félagsráðgjöfum, náms- og starfsráðgjöfum og starfsfólki félagsmiðstöðva.