Praktísk­ur evr­ópu­rétt­ur fyrir lög­fræð­inga

Stór hluti þeirra reglna sem íslenskir lögfræðingar vinna með á rætur í EES-samningnum. Þetta námskeið er hannað fyrir lögfræðinga sem vilja öðlast grunnskilning á EES-rétti og fá tæki og tól til að nýta hann í framkvæmd.

Námskeiðið veitir starfandi lögfræðingum hagnýtan grunn í EES-rétti og verkfærin til að beita honum í framkvæmd. Farið er yfir hvernig evrópuréttur verður hluti af íslenskum rétti í gegnum EES-samninginn, hvernig leita má réttarheimilda og hvernig unnið er með EES-gerðir.

Fjallað er um grundvallaratriði EES-réttar, muninn á ESB og EES. Þátttakendur æfa sig á raunhæfum dæmum í að finna gerðir, kanna aðlaganir og staðreyna hvort og hvernig þær hafa verið innleiddar.

Að loknu námskeiði ættu þátttakendur að hafa raunhæfar væntingar um að geta unnið með reglur evrópuréttar og vita hvar megi nálgast þær.

Námskeiðið er ætlað starfandi lögfræðingum, bæði hjá hinu opinbera og á almennum vinnumarkaði.

Engar sérstakar forkröfur eru gerðar, en þátttakendur ættu að hafa almenna lögfræðimenntun. Námskeiðið hentar sérlega vel fyrir þá sem lítið eða ekkert hafa unnið með evrópurétt áður.