Ís­lensk­ar glæpa­sög­ur

Á námskeiðinu fer Katrín Jakobsdóttir yfir sögu íslenskra glæpasagna frá upphafi og kynnir helstu kenningar um glæpasögur og vinsældir þeirra. Fjallað verður um uppruna glæpasagna og hvernig hefðin varð í kjölfarið til á Íslandi. Rakin verður saga íslenskra glæpasagna í samhengi við alþjóðlega þróun og kynntar helstu kenningar um glæpasögur, tilurð þeirra og vinsældir.

Hópurinn mun lesa saman eftirfarandi glæpasögur og ræða þær í tímunum:

• 14. október: Einvígið eftir Arnald Indriðason (2011) og Þriðja táknið eftir Yrsu Sigurðardóttur (2005).
• 21. október: Grimmd eftir Stefán Mána (2013).
• 28. október: Alfa eftir Lilju Sigurðardóttur (2025).
• 4. nóvember: Þorpið eftir Ragnar Jónasson (2018) og Hildur eftir Satu Rämö (2024).

Námskeiðið er fyrir öll þau sem hafa yndi af glæpasögum, vinna í tengslum við bækur og/eða vilja bæta líf sitt með því að skilja betur heiminn í gegnum afþreyingarmenningu. Enn fremur fyrir öll þau sem vilja skilja betur tengsl bókmennta og hugmynda okkar um þjóðina.