Íslenskar glæpasögur

Á námskeiðinu fer Katrín Jakobsdóttir yfir sögu íslenskra glæpasagna frá upphafi og kynnir helstu kenningar um glæpasögur og vinsældir þeirra. Fjallað verður um uppruna glæpasagna og hvernig hefðin varð í kjölfarið til á Íslandi. Rakin verður saga íslenskra glæpasagna í samhengi við alþjóðlega þróun og kynntar helstu kenningar um glæpasögur, tilurð þeirra og vinsældir. Hópurinn mun lesa saman nokkrar íslenskar glæpasögur og verður bókalisti sendur á skráða þátttakendur í lok ágúst.

Fyrir öll þau sem hafa yndi af glæpasögum, vinna í tengslum við bækur og/eða vilja bæta líf sitt með því að skilja betur heiminn í gegnum afþreyingarmenningu. Enn fremur fyrir öll þau sem vilja skilja betur tengsl bókmennta og hugmynda okkar um þjóðina.