Eld­klerk­ur­inn Jón Stein­gríms­son

Lýsingar Jóns Steingrímssonar á Skaftáreldum og afleiðingum þeirra í eldritum Jóns og öðrum heimildum eiga sér vart hliðstæðu í íslenskum bókum. Á námskeiðinu verður fjallað um þær, en athyglinni verður einnig beint að sjálfsævisögu Jóns sem er einstakt rit. Á námskeiðinu mun Illugi bregða upp skemmtilegri en á stundum átakanlegri mynd af merkilegum manni í hringiðu ógnvænlegra atburða og hrottalegs aldarfars.

Námskeið Illuga Jökulssonar um söguna eru sniðin fyrir almenning. Enga sérstaka fyrirfram þekkingu á viðfangsefninu þarf til að njóta þeirra. Oft skapast á námskeiðunum líflegar umræður.