Að ná ár­angri með fólki í breyt­ing­um

Flestir sem leiða breytingar hafa upplifað að vel útfærðar hugmyndir og skýrar áætlanir nái ekki tilætluðum árangri. Ástæðan liggur oft ekki í breytingunni sjálfri heldur í því hvernig fólk upplifir hana, skilur hana og hvernig það bregst við henni.

Á þessu hagnýta námskeiði er sjónum beint að mannlegri hegðun í breytingum og þeim þáttum sem ráða oft úrslitum um hvort breytingar nái fram að ganga. Námskeiðið byggir á hugmyndum úr metsölubókinni „Switch“ eftir Chip og Dan Heath, þar sem breytingar eru skýrðar með líkaninu um Fílinn, knapann og veginn. Líkanið sýnir hvernig tilfinningar, rökhugsun og umhverfi vinna saman og hvernig hægt er að hafa áhrif á alla þessa þætti til að styðja við breytingar. Farið verður yfir níu hagnýtar leiðir til þess að bregðast við áskorunum við breytingum á vinnustað.

Í kennslu er blandað saman fræðslu, umræðu, raundæmum úr íslensku umhverfi ásamt stuttum verkefnum sem hjálpa þátttakendum að tengja efnið við eigin verkefni og áskoranir.

Námskeiðið er ætlað leiðtogum, stjórnendum, verkefnastjórum og öðrum sem vilja ná árangri í breytingum.