Óper­ur - hlust­un og saga

Óperuheimurinn er mörgum hulinn. Á þessu námskeiði verða þátttakendur leiddir með aðgengilegum hætti í gegnum sögu óperunnar, allt frá aldamótunum 1600 og fram á 20. öld. Sagt verður frá helstu tónskáldum á borð við Purcell, Mozart, Verdi, Wagner og Puccini auk annarra tónskálda sem mörg hver eru minna þekkt. Þá verða leikin tóndæmi úr þekktum óperum á borð við L‘Orfeo, Dido og Aneas, Júlíusi Sesari, Brúðkaupi Fígarós, La traviata, Valkyrkjunni, Evgeníj Ónegín, Madama Butterfly og fleirum og fjallað með skemmtilegum hætti um túlkun ópera í nútíð og fortíð.

Námskeiðið er ætlað öllum þeim sem hafa áhuga á að kynna sér óperur. Ekki er gerð krafa um þekkingu á viðfangsefninu.

Námskeiðið er haldið í samvinnu við Óperuna og er liður í opnunarviðburði Óperunnar sem hefst í Hofi á Akureyri 18. október.