Ind­versk menn­ing og sam­fé­lag I

Námskeiðið er fyrir alla sem vilja kynnast indverskri menningu og samfélagi. Engrar forþekkingar er krafist.

Meginmarkmið námskeiðsins er að kynna landfræðilega og menningarlega arfleifð Indlands fyrir nemendum. Í ljósi hinnar miklu menningarlegu fjölbreytni landsins verður einungis stiklað á stóru. Í þessu námskeiði verður fyrst og fremst stuðst við hljóð- og myndefni og viðfangsefnið verður nálgast á gagnvirkan hátt. Nemendum verður séð fyrir fjölbreyttu lesefni og glósum sem tengjast hverju viðfangsefni sérstaklega

Námskeiðið er kennt í 6 vikna lotu á fyrri hluta haustmisseris, tvisvar í viku, á þriðjudögum og fimmtudögum kl. 16:40 – 18:10. Námskeið hefst 25. ágúst. Kennsla fer fram í Veröld - húsi Vigdísar.

Viðfangsefni námskeiðsins:

• Landfræðileg einkenni Indlands og kennileiti
• Byggingarlist bænahúsa
• Indverskar hátíðir
• Ayurveda fyrri hluti
• Ayurveda seinni hluti
• Indversk krydd

Hæfniviðmið:

Í lok námskeiðsins hafa nemendur:

• Öðlast skilning á sérstöðu landsins; helstu ferðamannastöðum og kennileitum
• Öðlast skilning á bænahúsum og hugmyndinni um hið heilaga; merking ákveðinna staða í bænahúsum; hinni einstöku byggingarlist og merkingu hennar
• Öðlast skilning á þekktum hátíðum; táknrænni merkingu þeirra og fjölbreytileika; mikilvægi samfélaga
• Öðlast skilning á Ayurveda og mikilvægi heildstæðrar vellíðanar; kenningunni um Tri-dosha og merkingu frumkraftanna fimm
• Öðlast skilning á hlutverki mataræðis til að jafn út dosha; Kriya yog og orkustöðvar
• Öðlast skilning á mismunandi kryddum og lækingamætti þeirra

Námskeiðið er kennt á ensku.

Sjá kennsluskrá hér.