Síðmiðaldasögur: Gísla saga, Bandamanna saga og Hrafnkels saga

Hvernig fóru höfðingjar á miðöldum með völd sín og hvernig fór fyrir þeim sem lentu upp á kant við höfðingjavaldið?

Gísla saga, Bandamanna saga og Hrafnkels saga eru allar að mörgu leyti sérstæðar meðal Íslendingasagna vegna þess að áherslan í öllum þessum sögum er á fléttuna og siðferðislegt inntak hennar en ekki er rakin saga ættar eða héraðs. Í öllum þessum sögum eru mikil átök um völd og áhrif en greinilegt er að höfundar hafa siðferðisinntak átakanna í huga. Þar sem fátt bendir til að sögurnar séu ritaðar fyrr en á síðmiðöldum verða þær settar í samhengi við menningu síðmiðalda en meginaðferðin er rækileg greining á efnisatriðum, tungumáli og sviðsetningu í sögunum.

Námskeiðið hentar öllum sem eru áhugasöm um miðaldabókmenntir, bæði nýliðum sem og þeim sem hafa áður sótt námskeið Endurmenntunar. Námskeiðið getur hentað kennurum í efstu bekkjum grunnskóla og framhaldsskóla vel en einnig leiðsögumönnum og öðrum sem tengjast menningartengdri ferðaþjónustu. Engar forkröfur eru gerðar.