Við­veru­stjórn­un: Frá for­vörn­um til end­ur­komu

Hámarkaðu vellíðan og velgengni á þínum vinnustað með heildstæðri viðverustjórnun. Á þessu námskeiði færðu hagnýt verkfæri og innsýn í reynslusögur sem styrkja getu þína til að halda í mannauðinn og efla vinnustaðinn til muna.

Viðverustjórnun er lykilþáttur í nútíma mannauðsstjórnun og snýst um mun meira en eftirlit og talningu veikindadaga. Námskeiðið byggir á heildstæðri nálgun sem spannar forvarnir, markviss viðbrögð og farsæla endurkomu starfsfólks til vinnu. Á námskeiðinu er lögð áhersla á að skilja fjarveru sem merki vanlíðanar og að kunna að nýta aðrar vísbendingar til að stíga inn í vanda áður en hann verður að krísu. Stjórnendur læra að bregðast við fjarveru á mannlegan, skýran og faglegan hátt með aðstoð samtalstækni, greiningu á mynstrum og skýrum ferlum. Í síðari hluta námskeiðsins mun gestur úr atvinnulífinu koma í heimsókn og deila með þátttakendum vegferð sinni við innleiðingu heildstæðrar viðverustjórnunar.

Námskeiðið er ætlað mannauðsfólki og stjórnendum á öllum stigum sem vilja draga úr fjarveru og styðja við vellíðan starfsfólks á markvissan hátt.