Hátta­vit­inn: Ljóða­smiðja fyrir for­vitna

Á þessu námskeiði fá þátttakendur tækifæri til að kynnast fjölbreyttum formum kveðskapar, allt frá hefðbundnum rímnaháttum til nútímaljóða. Jafnframt gefst þátttakendum kostur á að spreyta sig á ljóðagerð í styðjandi umhverfi þar sem áhersla er lögð á samtal og uppbyggilega endurgjöf.

Námskeiðið er ætlað öllum sem hafa áhuga á ljóðum, hvort sem þeir hafa áður fengist við ljóðagerð eða eru að stíga sín fyrstu skref. Þátttakendum er velkomið að taka með sér fartölvu, en það er ekki nauðsynlegt.

Stuðst verður við bókina Háttavitinn eftir Pétur Blöndal og er eintak af bókinni innifalið í námskeiðsgjaldi. Bókin hefur að geyma yfirlit hátta, aðferða og leikja í ljóðum.