Tarot í tím­ans rás: Saga, tákn og túlk­un

Á þessu námskeiði verður fjallað um tarotspil út frá sögulegu, menningarlegu og táknfræðilegu sjónarhorni. Saga þeirra verður rakin frá upphafi og fjallað um hvernig þau þróuðust í þann miðil túlkunar og spádóma sem við þekkjum í dag. Skoðuð verður uppbygging tarotstokksins, þróun myndmálsins og þau tákn og menningarlegu áhrif sem mótað hafa merkingu spilanna. Þátttakendur kynnast jafnframt grunnaðferðum við að leggja tarotspil og fá þjálfun í að túlka einstök spil og samhengi þeirra í tarotlögn.

Námskeiðið er ætlað öllum sem hafa áhuga á tarotspilum, sögu þeirra, táknfræði og túlkun. Það hentar bæði byrjendum og þeim sem þegar hafa einhverja reynslu af tarotspilum og vilja öðlast dýpri skilning á sögulegum og menningarlegum bakgrunni þeirra og myndmáli. Engrar forkunnáttu er krafist. Mælt er með að þátttakendur komi með eigin Rider–Waite tarotstokk þar sem unnið verður út frá honum á námskeiðinu.