Franska fyrir byrj­end­ur I

Í samstarfi við Mála- og menningardeild við Hugvísindasvið HÍ.

Þetta námskeið er fyrir alla þá sem vilja ná tökum á helstu undirstöðuatriðum í frönsku máli á skömmum tíma. Engrar forkunnáttu er krafist. Lögð er jöfn áhersla á lestur, hlustun, ritun og talfærni. Farið verður yfir grunnhugtök í franskri málfræði. Athugið að námskeiðið gildir ekki til eininga í BA-námi í frönsku.

Námskeiðið er kennt í 6 vikna lotu á fyrri hluta haustmisseris, tvisvar í viku, 80 mínútur í senn kl. 16:40 – 18:10.

Hæfniviðmið:Í lok námskeiðs hafa nemendur:

• náð tökum á einföldum orðaforða daglegs lífs og geti tjáð sig um sjálfa sig, nám, starf, o.s.frv.
• öðlast skilning á grunnatriðum franskrar málfræði
• kynnst algengustu málhljóðum í frönskum framburði

Nemendur geta:

• lesið einfalda texta á frönsku eins og t.d. upplýsingaskilti
• skilið einfalt hlustunarefni á frönsku
• ritað einfaldan texta á frönsku eins og t.d. fylla út eyðublöð með persónulegum upplýsingum.

Nemendur munu einnig öðlast innsýn í menningu og þjóðfélög frönskumælandi landa

Námskeiðið er kennt í samstarfi við Endurmenntun HÍ en nemendur HÍ greiða ekki gjald fyrir þátttöku og er þeim bent á að skrá sig í gegnum Uglu.

Sjá kennsluskrá hér.