Pólska: mál­notk­un I

Í samstarfi við Mála- og menningardeild við Hugvísindasvið HÍ.

Markmið námskeiðsins er að þjálfa framburð, byggja upp grunnorðaforða, bæta hlustunarfærni og virkja nemendur í samskiptum á pólsku. Einfaldir textar og talmál er notað til að sýna notkun orðaforða og orðasambanda í samskiptum.

Auk hefðbundinna kennslustunda verða æfingatímar sem ætlaðir eru til að hjálpa nemendum að skilja og beita málfræðireglum sem nauðsynlegar eru fyrir bæði munnleg og skrifleg samskipti á pólsku.

Kennt er á ensku og pólsku.

Nemendum sem vilja ná góðum tökum á öllum færniþáttum er ráðlagt að taka einnig námskeiðið POL104G Málfræði, lestur og ritun I.

Hæfniviðmið:Að námskeiði loknu geta nemendur:

• tileinkað sér flesta þætti pólsks framburðar;
• notað grunnorðaforða til daglegra samskipta;
• skilið einföld samtöl og ritaða texta;
• tekið þátt í einföldum samtölum og tjáð sig um kunnugleg efni, svo sem að kynna sig og aðra, ræða áhugamál og tómstundir, lýsa fólki og hlutum, panta mat, versla og tjá smekk og óskir.

Námskeiðið nær yfir fyrri hluta þess námsefnis sem krafist er til að ná stigi A1 samkvæmt Evrópska tungumálarammanum (CEFR).

Hér má sjá námskeiðið í kennsluskrá.