Gustav Mahler og áttunda sinfónían

Áttunda sinfónía Mahlers er viðamesta sinfónía tónlistarsögunnar sem er reglulega flutt. Hún verður leikin í fyrsta skipti á Íslandi á tvennum tónleikum í Hörpu 29. og 30. maí 2026. Tónskáldið lauk við smíði hennar árið 1906 og hún var frumflutt í München í september árið 1910 og var síðust af númeruðum sinfóníum Mahlers sem hann stjórnaði áður en hann lést árið 1911.

Á tveimur námskeiðskvöldum verður farið yfir feril tónskáldsins með tóndæmum og lögð sérstök áhersla á 8. sinfóníuna og túlkunarsögu hennar.

Námskeiðið er ætlað öllum þeim sem hafa áhuga á að kynna sér sögu Gustavs Mahler og sérstaklega 8. sinfóníu tónskáldsins. Ekki er gerð krafa um þekkingu á viðfangsefninu.