Íran og Írak. Öxul­veldi hins illa?

Helstu deiluefni heimsins um þessar mundir eru málefni Mið-Austurlanda og þar eru nágrannaríkin Íran og Írak í stóru hlutverki. Með því að flétta saman og rekja sögu landanna tveggja verður ljósi varpað á ástandið eins og það blasir við nú. Með því að skyggnast að baki fyrirsagna fjölmiðlanna mun margt forvitnilegt koma í ljós og því auðveldara að vega og meta hvað að er í Persaflóanum og almennt í Mið-Austurlöndum.

Í fyrstu tímunum verður stjórnmálasaga Írak og Íran á 20. öld skoðuð með sérstöku tilliti til þróunar þjóðernishyggju, hlutverks vestrænna ríkja, trúarbragða og byltingar. Í seinni tímunum verður saga 21. aldar rakin og rætt þá m.a. um innrás og hernám Bandaríkjanna í Írak, grænu byltinguna í Íran, borgarastyrjaldir, hryðjuverk, fjöldamótmæli, átök Íran, Bandaríkjanna og Ísrael, Hormuz-sundið, vatnsskort, olíuframleiðslu, stöðu kvenna, menningarstarfsemi og framtíð ríkjanna.

Hvað er hægt að læra af reynslu þessara ríkja?